(दोहा) निश्चय प्रेम प्रतीति ते, बिनय करैं सनमान। तेहि के कारज सकल शुभ, सिद्ध करैं हनुमान॥ (चौपाई) जय हनुमंत संत हितकारी। सुन लीजै प्रभु अरज हमारी॥ जन के काज बिलंब न कीजै। आतुर दौरि महा सुख दीजै॥ जैसे कूदि सिंधु महिपारा। सुरसा बदन पैठि बिस्तारा॥ आगे जाय लंकिनी रोका। मारेहु लात गई सुरलोका॥ जाय विभीषण को सुख दीन्हा। सीता निरखि परमपद लीन्हा॥ बाग उजारि सिंधु महँ बोरा। अति आतुर यमकातर तोरा॥ अक्षय कुमार मारि संहारा। लूम लपेटि लंक को जारा॥ लाह समान लंक जरि गई। जय जय धुनि सुरपुर नभ भई॥ अब बिलंब केहि कारन स्वामी। कृपा करहु उर अंतरयामी॥ जय कपिीश जय पवन कुमारा। जय जगवंदन जय जयकारा॥ जय आदित्य अमर अभयकारी। अरि मर्दन मोचन अघहारी॥ जय जय जय हनुमंत अगाधा। दुःख पावत जन केहि अपराधा॥ पूजा जप तप नेम अचारा। नहिं जानत कछु दास तुम्हारा॥ वन उपवन मग गिरि गृह माहीं। तुम्हरे बल हम डरपत नाहीं॥ जनकसुता हरि दास कहावो। ताकी शपथ विलंब न लावो॥ जय जय जय धुनि होत अकाशा। सुमिरत होत दुसह दुःख नाशा॥ चरण पकरि, कर जोरि मनावौं। यहि अवसर अब केहि गोहरावौं॥ अथु मरुतसुत दास तुम्हारा। व्याकुल देखि निपट नहिं हारा॥ उठु उठु चलु तोहि राम दुहाई। पायँ परौं कर जोरि मनाई॥ ॐ चं चं चं चं चपल चलंता। ॐ हनु हनु हनु हनु हनुमंता॥ ॐ हं हं हाँक देत कपि चंचल। ॐ सं सं सहमि पराने खल-दल॥ अपने जन को तुरत उबारौ। सुमिरत आनन्द हमारौ॥ यह बजरंग बाण जेहि मारै। ताहि कहौ फिरि कवन उबारै॥ पाठ करै बजरंग बाण की। हनुमत रक्षा करैं प्राण की॥ यह बजरंग बाण जो जापै। तासों भूत-प्रेत सब काँपै॥ धूप देय जो जपै हमेशा। ताके तन नहिं रहै कलेशा॥ (दोहा) उर प्रतीति दृढ़, सरन ह्वै, पाठ करै धरि ध्यान। बाधा सब हर, करैं सब काम सफल हनुमान॥